DINGWANGWA LA OKENGE

Owandji Dingwangwa akalenama lo lotahe lootamba,

Okime loolomo wande okama wa lomata.

Owandji Okenge, lakondoke nsolo kalo

Akawote toteketa ta woho wone :

« Diemu lewe Owandji Dingwangwa, Avoye dimena naaa ? Dimi mete kowandolaka efula.

Halakotshundja, endaka yemembo yaye

Monga oko wele nsala yaye, kete we mbele Nkumi ka wane tshe wodjashi lo hioka nye.»

Omalo eteketa weso, Dingwangwa akalole loongenongeno

Ko dya nde mbokiya  ngengu ka doyi dyande,

Konde ndjihola onyo wande ndo kosha olesha wande.

Owandji Okenge akatongona konde mbote ate : “ Wana lee,

Eya dya Otemodi nsenaka lo laavu loonto lahokame otetemodi wande :

Aha la taamu, olakanyelo wone eko yediko  yookama walomata.”

Dingwangwa, amboshila sowo la nsonyi,

Akatshibe, koko aya lookongo, dya hawowokondjaki nto pondjo.

Okondo waki  Djowanyi Y’ODUWA (Jean de la Fontaine).

(Okadimoelo wamalo falase otshalo Otetela woosadimi omale Yone Alufoso NDJATE)