ONYENYE LA DIFUMBA

 

Onyenye, laketshaka wenya la memba kembo

Shi ya difusa

Akayotanema anya hwe.

Lo shi ya ndjala

Aha koyanga tshenyitshenyi

Ya lotshingo kana ya shohosoho.

Nde akatshu tolela ndjala

Laka Difumba d’osukanyi wande,

Awokombekombe dia nde mbowosondja

Yema ya nanula

Dia nde toko dimbiya sena

Polo leeleko kooyoyo.

 

Nde lande ate :

“Menaka Watsheso, layokokaloye,

La tondo ka ngondo k’enaneyi,

Kene tshe kakayasondja kotshanya ndo tekateka ladiko.”

Difumba kema ekahaandjala

Oso mbele kiomokiomo yande.

 

Dimmbola diande le Onyenye ate :

“Kakayasalaka shi ya difusa na ?”

-Otsho la yanyi, wenya tshe, lakeembaka kembo. Hakongenyangenya ondo !

-Oyaka mbakiye ? Ande olo !

Ko toko laso aya we tekotekoka la wenye wonyoone.

We lakenaka emendja mpoyi he asami aya ngunga tsho !

 

Okondo waki Yone Djowanyi y'ODUWA (Jean de la Fontaine) 

wokadimodimi l'Otetela male  Yone Alufoso NDJATE OMANYONDO