YAANA YOOSONGO L'EHEKELE K'OHIDI

Yaana yoosongo nye yaki lokanyi efula lateyi wa ngamba.

Kele yo kondjala la dilemiyelo, oyadi otshale Esenge-lokana atende,

kana otshale Owala letawo  “ekaha’ndjala”.

Yaana yoosongo yaki paka loshi tshe lo taseleba la lokema lakatshi wande weeteto ndo wa talengalenga lo yanyi.

Loshi lomotshi yo yatatshu ngane ko yo pomana la Ehekelek’Ohidi. Ko nde lato ate :

- "Ehekele kene ! Enda mondo yayo ! 

We henyi dya dimi leko lo nanga mbeta ongo emalaye oko evuna lateyi wa mboka ?

We hoke sonyi ? Wemooto adja mondo ko ndjodja ndo diwandji loote ?" 

            Ehekele, "lashawo nemo lateyi wa ngamba..."

Mbap’Ehekele, aki onto lakawashaka nemo lateyi wa ngamba.

Onkone eteketa wene akasha asekeesongo tshe kandji efula lateyi wetema wawo.

Loshi lomotshi, lokewo laki yaana yoosongo nye akatondja londjo efula lo ngamba.

Okonda latayaooneka loka, tambondodja looka !

Wa konabi,ekungo la esake, lene akiwo,kamakawoke loka loso, tambowembana otshalo ngamba kene. 

Yana yoosongo la tokatshi tato, la tolembolembo tato, la tododo tayo, ewo kato tangatakome !  

Oloyi wa konabi tshika lokema leesongo waki lookonda wone ko vo mombana la yaana yoosongo nye.

Kayode ekoko, anyanya.

Eto wene toma akatshi wayo tshe lo washo wa mpekele d’Ehidi, Ekungu, Lomonde, Aleka, Ewamba, Panyandji, Awundji, Esake... 

Yaana yoosongo kokondja diese dya mbola ko ndjohemboma diandjokoma "hiekele lokosha etondo."

Yo yakomane ndo nshilo oko watoshiloka dedi endaka yanyi ambokundama lateyi wa wange.

Ameka lee,

He mfudu yakete tondo, we koleka lohelo holeke suku !

Okondo waki Yone Alufoso NDJATE